Маск Twitter’ни одамлар зўравонликка мурожаат қилмасдан, турли эътиқодларни муҳокама қилишлари учун сотиб олганини тушунтирди.
Америкалик миллиардер, Tesla ва SpaceX асосчиси Илон Маскнинг Twitter’ни сотиб олиш бўйича келишуви ёпилди. «The bird is freed («Қуш озод қилинди») – деб ёзди Маск ўзининг Twitter микроблогида 28 октябр, жума куни эрталаб.
Бир кун аввал тадбиркор ўз саҳифасида реклама берувчиларга мурожаат эълон қилди, унда у Twitter’ни сотиб олиш сабаблари билан боғлиқ кўплаб тахминларни эслаб, уларнинг аксарияти нотўғри эканлигини таъкидлади.
«Мен Twitter’ни сотиб олдим, чунки цивилизация келажаги учун рақамли янгиликлар ва фикр платформасига эга бўлиш жуда муҳим, у ерда турли эътиқодлар соғлом тарзда зўравонликка мурожаат қилмасдан муҳокама қилиниши мумкин. Улардан айримлари нафратни қўзғатади ва жамиятимизни ажратади», - деб ёзган Маск.
Тадбиркорнинг сўзларига кўра, «кликларга тинимсиз интилишда» аксарият асосий оммавий ахборот воситалари бу чегараларни кучайтирди, чунки улар бу уларга фойда келтиришига ишонишди. «Аммо бундай ёндашув билан мулоқот ўтказиш имконияти йўқолади», деб таъкидлади Илон Маск.
27 октябр куни кечқурун Американинг CNBC телеканали манбаларга таяниб, Twitter’нинг собиқ бош директори Параг Агравал ва молия директори Нед Сегал Twitter’нинг Сан-Франтсискодаги бош қароргоҳини тарк этгани ва у ерга қайтмаслигини маълум қилди, «чунки Маск даври бошланади».
Октябр ойи бошида Маскнинг адвокати Twitter раҳбариятига америкалик миллиардернинг компанияни апрель ойида келишилган нархда – ҳар бир акция учун 54,20 доллардан, у билан Twitter раҳбарияти ўртасидаги ҳуқуқий низо якунланган тақдирда сотиб олиш ниятини тасдиқловчи хат юборди.
8 июль куни бугун сайёранинг энг бой одами Илон Маск Twitter’ни сотиб олиш бўйича келишувни бекор қилаётганини эълон қилди. Унинг таъкидлашича, компания «бирлашиш шартномасининг кўплаб қоидаларини жиддий равишда бузган». Хусусан, Маск сохта ва спамли Twitter аккаунтларининг ҳақиқий улуши ижтимоий тармоқдаги «беш фоиздан кам» кўрсаткичлардан сезиларли даражада юқори эканлигини таъкидлади.
ОАВ иқтисодий экспертлар Илон Маскнинг Twitter’ни қўлга киритиш ниятлари жиддийлигига анчадан бери шубҳа билан қарашганини таъкидлади. Компаниянинг 28 миллиард долларга баҳоланган бозор қиймати Маск унга таклиф қилган 44 миллиард доллардан анча паст.
12 июль куни Twitter Илон Маскни судга бериб, уни апрель ойидаги харид шартномаси шартларини бажаришга мажбурлаш ниятида эканини билдирди. Июль ойи охирида миллиардер қарши даъво билан чиқди.
