Аҳолисининг ўртача ёши энг катта бўлган ҳудудлар тўғрисида маълумот берилди.
Фото: Kun.uz
2022 йилнинг 1 январь ҳолатига Ўзбекистонда доимий аҳолининг ўртача ёши энг катта бўлган туман ва шаҳарлар орасида Яккасарой тумани биринчи ўринни эгаллади – 36,8 ёш.
Давлат статистика қўмитаси маълумотларига кўра, ундан кейинги ўринлардан доимий аҳолининг ўртача ёши 34,6 ёш ҳамда 34,4 ёш бўлган Мирзо Улуғбек тумани ва Миробод тумани жой олди.
Ушбу кўрсаткич қолган ҳудудлар кесимида қуйидагича кўринишга эга:
- Чиpчиқ шаҳри – 34,1 ёш;
- Юнусобод тумани – 33,4 ёш;
- Яшнобод тумани – 33,2 ёш;
- Чилонзор тумани – 32,8 ёш;
- Бухоро шаҳри – 32,7 ёш;
- Томди тумани – 32,2 ёш;
- Нурафшон шаҳри – 32,2 ёш.
2022 йилнинг 1 январь ҳолатига Ўзбекистонда доимий аҳолининг ўртача умр кўриш давомийлиги 73,8 ёшни ташкил этди.
