Ўзбекистон ташқи савдо айланмаси рақамларда эълон қилинди.
2022 йил январь-сентябрь ойларида Ўзбекистон ташқи савдо айланмаси 36 млрд АҚШ долларидан ошди.
Давлат статистика қўмитаси маълумотларига кўра, бунда экспорт – 14,1 млрд долларга тенг бўлди. Экспорт таркибида маҳсулотлар – 11,3 млрд, хизматлар – 2,8 млрд долларни ташкил қилди.
Ўз навбатида, импорт – 21,9 млрд долларга тенг бўлди. Бунда, импорт таркибида маҳсулотлар – 20,1 млрд, хизматлар – 1,8 млрд долларни ташкил этди.
Ташқи савдо айланмасида юқори улушга эга бўлган ҳамкор давлатлар:
- Хитой – 6,8 млрд;
- Россия – 6,5 млрд;
- Қозоғистон – 3,3 млрд;
- Туркия – 2,5 млрд;
- Корея – 1,8 млрд.
