Қўшимча функционаллар
-
Тунги кўриниш
Ўзбекистонга келган туристлар қанча маблағ сарфлашмоқда?
2019 йилда сайёҳлар Ўзбекистон шаҳарларида ўртача 195 долларгача маблағ сарфлаб, 2-3 кун қолишган бўлса, бу йил саёҳатлар давомийлиги 4-5 кунга, сарф-харажатлар 305 долларгача ошган. Бу ҳақда Туризм ва маданий мерос вазири Азиз Абдуҳакимов маълум қилди.
Фото: Kun.uz
Шунингдек, вазир Ўзбекистонга келаётган сайёҳлар сони бўйича статистик рақамларга ҳам тўхталиб ўтди.
“2021 йилда Ўзбекистонга келган сайёҳлар сони 1 миллион 880 минг нафарга етди. Январ ойидан сентябр ойигача мамлакатимизга келган туристлар сони 2021 йилга нисбатан 3 баробар кўпайиб, 3 млн 100 минг кишини ташкил этди. Бундан ташқари, ички саёҳатчилар сони ҳам йилига 3,5 баробар ошиб, 7,5 миллион кишига етди”, – деди Абдуҳакимов.
Унинг қўшимча қилишича, 2023 йилга бориб Ўзбекистондаги меҳмонхоналар сони 3 мингтага, ундаги хоналар сони эса 50 мингтага етказилиши режалаштирилмоқда.
Бундан ташқари, вазир 2022 йилда Фарғона вилоятидаги қадимий Қўқон шаҳри “Туркий дунё пойтахти” деб тан олингани, 2023 йилда Самарқанд жаҳон сайёҳлик пойтахтига айланиши ҳамда Жаҳон сайёҳлик ташкилоти (ЮНВТО) Бош Ассамблеясининг юбилей 25-сессиясига мезбонлик қилишини ҳам айтди.
Мавзуга оид
13:24 / 21.11.2024
COP29 иштирокчилари иқлимга мос туризмни ривожлантиришга келишиб олди
23:32 / 13.11.2024
Флоренция «ҳаддан зиёд туризм»га қарши кураш бўйича янги чоралар қабул қилди
13:48 / 13.11.2024
Жаҳон банки вакили Ўзбекистоннинг COP29’даги павилёни билан танишди
21:49 / 04.11.2024