Uzbekistan Airways туман сабабли рейсларни кечиктирмоқда

26 ноябр куни Тошкентда туманли об-ҳаво ҳукм сураётгани сабабли Uzbekistan Airways режалаштирган бир қатор рейслар кечиктирилди. Бу ҳақда авиакомпания ахборот хизмати хабар қилди.

Қайд этилишича, шу куни Тошкент халқаро аэропортининг ноқулай об-ҳаво шароити туфайли Uzbekistan Airways’нинг HY-051 Тошкент–Урганч, HY-011 Тошкент–Нукус, HY-603 Тошкент–Москва, HY-271 Тошкент–Истанбул, HY-779 Тошкент–Бишкек, HY-333 Тошкент–Дубай, HY-5311 Тошкент–Жидда, HY-231 Тошкент–Франкфурт, HY-031 Нукус–Мўйноқ рейслари мажбурий кечиктирилди.

HY-081 Тошкент–Фарғона, HY-9685 Тошкент–Сочи, HY-341 Тошкент–Шарм аш-Шайх ва HY-717 Тошкент–Душанбе ўз йўналиши бўйича жўнаб кетган. HY-052 Урганч–Тошкент, HY-012 Нукус–Тошкент, HY-718 Душанбе–Тошкент, HY-604 Москва–Тошкент, HY-272 Истанбул–Тошкент, HY-780 Бишкек–Тошкент, HY-334 Дубай–Тошкент, HY-342 Шарм-аш-Шайх–Тошкент, HY-5312 Жидда–Тошкент, HY-232 Франкфурт–Тошкент, HY-032 Мўйноқ–Нукус кечикиш билан амалга оширилиши маълум қилинган.

Бундан ташқари, режалаштирилган HY-048/HY-047 Самарқанд–Наманган–Самарқанд ва HY-275/HY-276 Самарқанд–Истанбул–Самарқанд қатновлари ҳам кечикиб амалга оширилади.

27 ноябр авиакомпания матбуот хизмати кечиктирилган рейслар бўйича қўшимча маълумот берди.

Унга кўра, 27 ноябр куни Фарғона ва Наманган халқаро аэропортларида об-ҳаво шароити ҳали ҳам ноқулайлиги (туман, кўришнинг етарли даражада эмаслиги) туфайли HY-093 Тошкент–Наманган, HY-9801 Наманган–Перм, HY-081 Тошкент–Фарғона, HY-339 Фарғона–Дубай қатновлари мажбурий кечиктирилмоқда.

Техник сабабларга кўра HY-271 Тошкент–Истанбул рейси тез орада ўз йўналиши бўйича жўнаб кетади. HY-272 Истанбул–Тошкент рейси ҳам кечикиш билан амалга оширилади.

HY-9802 Перм–Наманган, HY-340 Дубай–Фарғона ва HY-082 Фарғона–Тошкент рейслари ҳам кечикиб амалга оширилади.

Uzbekistan Airways авиакомпания учун йўловчилар хавфсизлиги юқори ўринда туришини эслатиб, келтирилган ноқулайликлар учун йўловчилар ва уларни кутиб олувчилардан узр сўраган.