Google смартфонлари 2022 йилнинг энг яхшилари деб топилди

Pixel 7 Pro смартфони рейтингда биринчи ўринни эгаллади.

Фото: blog.google / Rory Charlston

2022 йил жуда кўп қизиқарли смартфонларни тақдим этди, аммо улар орасида Google моделлари бозорда тенгсиз бўлди. Буни машҳур 9to5google портали ўқувчилари ўртасида ўтказилган сўров ҳам кўрсатди.

Жумладан, Pixel 7 Pro 2022 йилнинг энг яхши смартфони деб топилди, унга сўровда иштирок этганларнинг 40 фоизи овоз берди. Ўз навбатида, портал муҳаррирлари ушбу моделни бугунги кундаги энг яхши Google флагмани деб аташган.

Иккинчи ўринда Pixel 7 модели жой олди – иштирокчиларнинг деярли 20 фоизи унга овоз берди. Смартфоннинг афзалликлари орасида Pro-моделга нисбатан арзон нарх ва қимматроқ версияда ишлатиладиган дастурларнинг борлиги қайд этилган.

Учинчи ўринни 10 фоиз овоз билан Samsung Galaxy S22 Ultra флагмани эгаллади.

Айни пайтда Google ўзининг биринчи букланадиган Pixel Fold смартфонини чиқаришга тайёрланмоқда. Унинг тақдимоти 2023 йилнинг баҳорида бўлиб ўтади ва нархи 1799 долларни ташкил қилади.