Қўшимча функционаллар
-
Тунги кўриниш
12 минг украиналик аскар Ғарбда тайёргарликдан ўтди
АҚШ апрель ойидан бери 3100 нафар украиналик аскарни тайёрлади, деб хабар берди Пентагон матбуот котиби, Ҳарбий-ҳаво кучлари бригадаси генерали Патрик Райдер.
Фото: AP
Унинг сўзларига кўра, Ғарбда жами 12 минг киши тайёргарликдан ўтган.
Бундан олдин Европа Иттифоқи Украина армияси учун EUMAM Европа Иттифоқининг махсус ўқув миссияси бошланганини эълон қилганди. Бу қарор ЕИга аъзо давлатлар томонидан рекорд вақт ичида қабул қилинди.
Камида 15 000 нафар украиналик ҳарбийни асосий тайёргарликдан ўтказиш учун мўлжалланган миссия Полшада ўз ишини бошлайди, деди Боррел. Унинг таъкидлашича, кўплаб Европа Иттифоқи давлатлари унда иштирок этиш ниятида. Улар орасида, масалан, Руминия, Ирландия, Словакия бор, бу ҳақда ушбу мамлакатлар ташқи ишлар вазирлари Брюсселдаги учрашув арафасида маълум қилди.
«Миссиянинг мақсади халқаро тан олинган чегаралар доирасида ўз ҳудудий яхлитлигини ҳимоя қилиш, суверенитетини самарали амалга ошириш ва ҳарбий ҳаракатларни самарали ўтказиш учун Украина Қуролли кучлари жанговар қобилиятини оширишга ҳисса қўшишдир», — дейилади Европа Иттифоқи кенгаши баёнотида.
Миссия Украина Қуролли кучлари ва ҳудудий мудофаа кучларининг «индивидуал, жамоавий ва ихтисослаштирилган» тайёргарлиги, шунингдек, миссияни қўллаб-қувватловчи «аъзо давлатларнинг фаолиятини мувофиқлаштириш ва синхронлаштириш» билан шуғулланади, деб хабар берди Европа Иттифоқи кенгаши.
Россия-Украина уруши
Мавзуга оид
08:45
Меркел Украинада урушдан чиқишнинг йўллари ҳақида маълум қилди
20:14 / 24.11.2024
Россия армиясининг «Жануб» қўшинлар гуруҳи қўмондони лавозимидан четлатилди
19:21 / 24.11.2024
FT: Россия юзлаб яманликларни Украинага қарши урушга ёллади. Улар шартнома имзолашга мажбурланмоқда
15:06 / 24.11.2024