Германиядан Leopard 2 танклари апрелгача Украинага етиб боради

Германиядан биринчи Leopard 2 танклари Украинага март ойи охири — апрель бошида етиб келади, деб маълум қилди Германия мудофаа вазири Борис Писториус.

Фото: Peter Steffen/dpa/picture alliance

«Бизда уларнинг кечикиши ҳақида ҳеч қандай маълумот йўқ», деди у.

Бундан ташқари, яқин кунларда украиналик ҳарбийлар учун Marder пиёда аскарлар жанговар машинасини бошқариш бўйича машғулотлар бошланади.

Танклар билан ишлашга тайёрлаш жараёни эса «бироздан кейин» бошланади, деб хабар қилди Писториус.

Германиянинг Rheinmetall мудофаа концерни Германия ва бошқа давлатлар Украинага берадиган Leopard 2 танкларини катта миқдорда ўқ-дорилар билан таъминлашга тайёр.

Германиянинг Rheinmetall мудофаа концерни Россия ҳарбий агрессиясидан ҳимояланаётган Украинага Германия ва бошқа давлатлар юборадиган Leopard 2 танклари учун катта ҳажмдаги ўқ-дорилар етказиб бера олади.

«Rheinmetall бунга тайёр ва ўқ-дорилар, айниқса, йирик калибрли ўқ-дорилар ишлаб чиқариш қувватини сезиларли даражада оширди», — деб маълум қилди концерн Rheinische Post газетаси сўровига жавобан.