Орол қуриган денгиз тубида чўл ўсимликларини етиштириш учун навбатдаги мавсум бошланди. Бу ҳақда Фавқулодда вазиятлар вазирлиги хабар қилмоқда.
Қайд этилишича, ўрмонзорлаштириш қуриган денгиз қисмидан зарарли туз ва чангларнинг кўтарилишига тўсқинлик қилади.
Фавқулодда вазиятлар вазирлиги ва Ўрмон хўжалиги давлат қўмитаси томонидан Орол денгизи қуриган қисмида 1 миллион 620 минг гектар майдонда саксовул, тамарикс ва бошқа чўл ўсимликларидан иборат ўрмон барпо этилди.
Оролқумда 2023 йил давомида яна 100 минг гектар майдонда ўрмонзорлаштириш ишларини амалга ошириш режалаштирилган. Мавсум очилиш маросимида фавқулодда вазиятлар вазири, Жўқорғи Кенгеси раиси, Экологик партия раиси ва бошқалар иштирок этди.
Орол қуриган тубидаги кўкаламзорлаштириш ишлари президентнинг Оролбўйи минтақасини барқарор ривожлантириш масалалари бўйича маслаҳатчиси Турсунхон Худайберганов томонидан мувофиқлаштирилмоқда.
