Канада Россияга нисбатан санкциялар рўйхатини кенгайтирди

Канаданинг санкциялар рўйхатига Россиядан 38 жисмоний ва 16 юридик шахс, жумладан Билан, Долина, Боярский, МИА "Россия сегодня" кирди.

Фото: Reuters

Канада Россияга нисбатан санкциялар рўйхатини кенгайтирди. Бу ҳақда 3 февраль, жума куни Канада ҳукумати хабар берди.

Рўйхатга Оттавага кўра, «Россия дезинформацияси ва ташвиқотини тарқатиш билан шуғулланган» 38 жисмоний ва 16 юридик шахс киритилган.

Шундай қилиб, қўшиқчилар Николай Басков, Дима Билан, Николай Расторгуев, Олег Газманов ва ижрочилар Полина Гагарина, Надежда Бабкина, Ирина Аллегрова, Лариса Долинага нисбатан чеклов чоралари жорий этилди.

Мусиқачи Игор Бутман, актёрлар Михаил Боярский, Дмитрий Дюжев, Михаил Галустян, "Телеканал "Россия" ВГТРК директори ўринбосари Сергей Брилевга санкция қўйилди.

Юридик шахслар орасида "Россия сегодня" халқаро ахборот агентлиги, РИА "Новости", Tsargrad Media, Интернет тадқиқот агентлиги, Горчаков номидаги халқ дипломатиясини қўллаб-қувватлаш жамғармаси бор.

Россиянинг Канададаги элчиси Олег Степанов БМТ Хавфсизлик Кенгаши томонидан тасдиқланмаган санкциялар қонуний эмаслигини айтиб, Россиянинг бу қадамга жавоб беришини ваъда қилди.

2014 йилдан бери Оттавада Россия, Украина ва Беларусдан деярли 4000 киши ва ташкилотларга нисбатан жазо чоралари қўлланган, дея эслатади Reuters.

2022 йил декабрь ойида Канада ҳукумати санкцияга учраган россиялик миллиардер Роман Абрамовичга тегишли бўлган Granite Capital Holdings Ltd компаниясининг 26 миллион доллар (24 миллион евро) активларини мусодара қилиш жараёни бошланганини эълон қилди.