Қозоғистонда 5,4 магнитудали зилзила содир бўлди

Фото: Getty Images

Қозоғистоннинг бир қатор ҳудудларида ер силкиниши содир бўлди. Зилзила эпицентри Алмати шаҳридан 628 км ғарбдаги ҳудудга тўғри келган. 5,4 магнитудали зилзила 5 км чуқурликда содир бўлган.

Силкиниш Алмати вақти билан соат 19:02 да қайд этилган. Қозоқ сейсмологларининг маълумот беришича, Чимкентда ҳам 2-3 балли зилзила сезилган.

Эслатиб ўтамиз, 6 феврал тонгда Туркияда содир бўлган зилзила оқибатида мингдан ортиқ одам ҳалок бўлиб, кўплаб бинолар вайрон бўлганди.