Қўшимча функционаллар
-
Тунги кўриниш
Индонезиядан Самарқандга тўғридан тўғри авиақатновлар ташкил этилади
Самарқанд вилояти ҳокими ўринбосари Рустам Қобилов бошчилигидаги делегациянинг Индонезия туризм ва креатив иқтисодиёт вазири Сандиага Салаҳуддин Уно билан учрашувида туризм, Самарқандга тўғридан тўғри авиақатновларни ташкил этиш ва индонезиялик зиёратчилар учун зиёрат турларини ташкил этишда ҳамкорлик бўйича келишувга эришилди, деб хабар қилмоқда “Дунё”.
Тадбирда 2024 йил Ўзбекистонда ташкил этилиши режалаштирилаётган креатив иқтисодиёт ва туризм халқаро конференциясида мазкур мамлакат делегацияси иштирок этиши ҳам маълум қилинди.
Томонлар Имом Бухорий, Имом Мотуридий, Маҳдуми Аъзам, Хожа Аҳрор Валий, Абди Дорун ва Абди Берун зиёратгоҳларига индонезиялик сайёҳлар учун махсус зиёрат турларини ташкил этиш истиқболларини муҳокама қилди.
Делегациянинг Индонезия Таълим, маданият, изланишлар ва технологиялар вазирлигида бўлиб ўтган учрашувида талабалар ва мутахассислар алмашинуви йўналишида ҳамкорликни ривожлантириш, «Ипак йўли» туризм халқаро университетида индонезиялик ёшлар учун грант ажратиш, Индонезиянинг биринчи президенти Сукарнонинг Самарқандга амалга оширган ташрифи ҳақида спектакль тайёрлаш масалалари ўрганилди.
Мавзуга оид
23:04 / 13.06.2026
Самарқандда Россияда ишлашни режалаштираётган фуқаролар учун тест маркази очилади
10:50 / 12.06.2026
Самарқанднинг олис туманларига инвестициялар жалб этилади
17:46 / 10.06.2026
Самарқанд туманлари қишлоқ хўжалиги, тўқимачилик ва қайта ишлаш саноатига ихтисослашган ҳудуд сифатида ривожлантирилади
17:45 / 05.06.2026