Бўстонлиқда 4 эркак бир аёлни калтаклаб, зўрлаганликда гумонланмоқда
39 ёшли аёлнинг айтишича, декабр ойи охирида ўз ҳовлисида калтакланиб, болалари олдида зўрлаб кетилган. 25–27 ёш оралиғидаги 4 нафар эркак гумонланувчи сифатида қамоққа олинган. Улар – жабрланувчининг қўшниси.
![](https://storage.kun.uz/source/9/bKEUwYYPfX1SyvlOsVxRlRSRTb_Ra_tx.jpg)
Фото: Тошкент вилояти ИИББ
Ижтимоий тармоқларда Тошкент вилояти Бўстонлиқ туманида яшовчи 39 ёшли аёлни ўз ҳовлисида 4 эркак калтаклаб, зўрлагани ҳақида хабарлар тарқалди. Ҳолатга Бош прокуратура муносабат билдирди.
Маълум қилинишича, 2022 йил 28 декабрь куни Тошкент вилояти Бўстонлиқ туманида яшовчи 39 ёшли аёл зўрлангани ҳолати юзасидан Жиноят кодексининг 118- (Номусга тегиш) ва 119-модда (Жинсий эҳтиёжни зўрлик ишлатиб ғайритабиий усулда қондириш)лари билан жиноят иши қўзғатилган.
“Жиноят иши доирасида 4 нафар шахсга нисбатан “қамоққа олиш” эҳтиёт чораси қўлланган. Бўстонлиқ тумани ИИБ ҳузуридаги Тергов бўлими томонидан тергов ҳаракатлари олиб борилмоқда», дейилади прокуратура ахборотида.
Тошкент вилояти ИИББга кўра, 4 нафар гумондор – 25-27 ёшда. Ҳолат юзасидан 10 га яқин суд тиббий ва бошқа турдаги экспертизалар тайинланган. Тергов давом этмоқда.
Прокуратура ва ички ишлар берган расмий хабарларда гумондорлар қачон ушланганига аниқлик киритилмаган.
Жабрланувчининг блогер Ақида Ҳанумга айтишича, маҳалладаги қўшнилари бўлган 4 нафар эркак тунги соат 3ларда жабрланувчининг уйига бостириб кирган. Аёлни калтаклаб, фарзандлари кўз олдида зўрлаган.
Жабрланувчи ўз ҳовлисида яшаши, уйининг дарвозаси борлиги, шунга қарамай уйига бостириб киришганини таъкидлади. Аёл болалари билан ёлғиз яшайди. Турмуш ўртоғи Россияга ишлашга кетган бўлган. Қайнота қайнонаси ўтиб кетишган. Аёлнинг турмуш ўртоғи воқеадан хабар топгач, Ўзбекистонга қайтган.
Аёлнинг сўзларига кўра, иш терговга ошгандан кейин зўрлашда айбланаётган 4 эркакдан бирининг ота-онаси келиб жазони енгиллатишини илтимос қилишган.
Ҳолатга Оила ва хотин қизлар қўмитаси ҳам муносабат билдирди. Унга кўра, жабрланувчи 28 декабрнинг ўзида туман тиббиёт шифохонасига ётқизилган, тиббий кўрикдан ўтказилган, ҳолат бўйича “Чинбойлиқ” МФЙ хотин-қизлар фаоли, туман хотин-қизлар масалалари мутасаддилари томонидан психологик ёрдам кўрсатилган.
Мавзуга оид
![](https://storage.kun.uz/source/thumbnails/_medium/10/AePC2rD6JeNIabdYZc6w1uIPte0EUQeU_medium.jpg)
13:07 / 05.09.2024
Бўстонлиқда очиқ дала майдонида ёнғин содир бўлди
![](https://storage.kun.uz/source/thumbnails/_medium/10/lXif8WMbS0ZGYB2eQw-FXPXtWRg5hHvS_medium.jpg)
10:30 / 29.08.2024
Бўстонлиқда ўрмон хўжалигига қарашли ҳудудда ёнғин содир бўлди
![](https://storage.kun.uz/source/thumbnails/_medium/10/f-n_Jxp1zZ9BoZLJBOK88oZSVLNBlAJ-_medium.jpg)
13:35 / 26.08.2024
Бўстонлиқдаги тоғда адашиб қолган уч киши қутқарилди
![](https://storage.kun.uz/source/thumbnails/_medium/10/sf_WzpgNJunQ-EnIODtB-b7AgEUBDKzy_medium.jpg)
11:35 / 26.08.2024