Февраль ойида евроҳудудда инфляция кутилганидан камроқ пасайди

Евро ҳудудида яшаш нархининг ошиши асосан озиқ-овқат нархларининг юқорилиги туфайли давом этди. ХВЖ раҳбари Кристин Лагард инфляция март ойида сезиларли даражада пасаяди, деб ҳисоблайди.

Фото: Getty Images

Жорий йилнинг февраль ойида евроҳудудда инфляция кутилганидан камроқ пасайди. Eurostat статистика агентлиги 2 март, пайшанба куни биринчи тахминий ҳисоб-китобларга таяниб, истеъмол нархлари йиллик 8,5 фоизга кўтарилгани, бу асосан озиқ-овқат нархларининг ошиши ҳисобига қайд этилганини билдирди. Шу билан бирга, таҳлилчилар февраль ойидаги инфляцияни 8,2 фоиз деб прогноз қилган эди.

Еврозонада инфляция даражаси кетма-кет тўртинчи ой пасаймоқда. Январь ойида, Eurostat маълумотларига кўра, тегишли кўрсаткич 8,6 фоизни, 2022 йил декабрида - 9,2 фоизни ташкил этди. Максимал - 10,6 фоиз даражаси - октябрь ойида қайд этилган.

Февраль ойида евроҳудуднинг 20 та давлатида нархларнинг ошишига таъсир кўрсатган асосий омил озиқ-овқат маҳсулотлари нархининг ошиши бўлди: уларнинг нархи 15 фоизга ошди. Бу шуни англатадики, энергия нархлари кўп ойлар ичида биринчи марта яшаш нархи ўсишининг асосий омили бўлишни тўхтатди.

Тайёрлаган: Отабек Матназаров

#инфляция #евроҳудуд