Ҳодиса оқибатида ҳайдовчи енгил тан жароҳати олган. Машина шикастланган.
Видеодан кадр
Самарқанд шаҳар Садриддин Айний кўчасида 20 ёшли ҳайдовчи Nexia-3 билан ҳаракатланиб бораётиб бошқарувни йўқотган. Шундан сўнг машина йўлнинг ўнг томонида қурилиш ишлари олиб борилаётган бинонинг очиқ турган ертўласига тушиб кетган.
Самарқанд вилоят ИИБ ЙҲХБ ахборот хизматининг хабар беришича ҳодиса 2023 йил 7 март куни соат 21:40 ларда содир бўлган.
Ҳодиса оқибатида ҳайдовчи енгил тан жароҳат олган. Шифокорлар ҳайдовчига биринчи тиббий ёрдам кўрсатган. Шикастланган машина автокран ёрдамида чуқурдан чиқариб олинган.
Қайд этилишича, ҳодиса юзасидан Самарқанд шаҳар ИИБ ЙҲХБ ходимлари томонидан суриштирув ҳаракатлари олиб борилмоқда.
