Юк машинаси «Matiz» билан тўқнашиб, «Cobalt»га урилди.
Фото: ИИББ ахборот хизмати
11 март куни туш пайтида Тошкент шаҳри, Олмазор тумани, Аҳмад Дониш кўчасидаги «Тахтапул» кўприги устида 2002 йилда туғилган С.Ю. «Changan» русумли юк автомобилини бошқариб кетаётиб, йўл четида тўхтаб турган «Matiz» русумли автомобил билан тўқнашув содир этган.
Шундан сўнг, юк машинаси ҳайдовчиси бошқарувни йўқотиб, бир йўналишда ҳаракатланиб кетаётган «Cobalt» русумли автомашинасига урилган.
Йўл-транспорт ҳодисаси оқибатида «Matiz» автомашинасидаги 1984 йилда туғилган T.A. ҳамда 2002 йилда туғилган А.Ғ. воқеа жойида ҳалок бўлган.
Ҳолат юзасидан, Тошкент шаҳар ИИББ Тергов бошқармаси томонидан Жиноят кодексининг 266-моддаси 3-қисми билан жиноят иши қўзғатилган. Тергов давом этмоқда.
