Нидерландиянинг Ўзбекистондаги янги элчиси ўз вазифасини бажаришга киришди

Фото: Ташқи ишлар вазирлиги матбуот хизмати

Ўзбекистон ТИВ раҳбари Бахтиёр Саидов бугун Нидерландия элчиси (қароргоҳи Остона шаҳрида) этиб тайинланган Андре Карстенснинг ишонч ёрлиқларини қабул қилди.

Учрашувда сиёсий мулоқотни фаоллаштириш ва иқтисодий дипломатияни ривожлантириш орқали икки томонлама муносабатларни янада мустаҳкамлаш масалалари муҳокама қилинди.

Бахтиёр Саидов савдо-сармоявий ҳамкорлик ва парламентлараро мулоқотни институционаллаштириш таклифини билдирди.

Тайёрлаган: Отабек Матназаров

#Нидерландия #элчи