Қўшимча функционаллар
-
Тунги кўриниш
Ўзбекистон ёш ҳоккейчилари Осиё чемпиони бўлди
18 ёшгача бўлган ўзбекистонлик ҳоккейчилар Мўғулистондаги турнирда зафар қучди.
Мўғулистонда 18 ёшгача бўлган ҳоккейчилар ўртасида IIHF Осиё ва Океания чемпионати ўтказилмоқда.
Мусобақада Ўзбекистон U18 миллий жамоаси муваффақиятли иштирок этди.
Ёш ҳоккейчилар Туркманистон (5:0), Эрон (14:1), Мўғулистон (7:4) ва Таиланд (10:2) устидан ғалаба қозониб, 12 очко жамғариб, муддатидан олдин турнир ғолиби бўлди. Сўнгги турдан ўрин олган БАА ҳоккейчиларига қарши 17 март кунги баҳс ҳеч қандай аҳамият касб этмайди.
Ўзбекистон U18 миллий жамоаси таркиби Тошкентнинг «Ҳумо» ва «Бинокор» клуби ҳоккейчиларидан таркиб топган. Жамоага россиялик Артур Фахрутдинов мураббийлик қилади.
Турнир бомбардирлари рўйхатида ўзбекистонлик Жасурбек Рустамхонов 16 очко билан пешқадамлик қилмоқда. У 9 та гол уриб, 7 та голли узатмани амалга оширган.
Мавзуга оид
10:15
Ўзбекистонда 10 ёшдан катта аҳолининг қарийб барчаси мобил телефон ишлатади
23:44 / 13.06.2026
Туркияда қўлга олинган халқаро қидирувдаги икки шахс Ўзбекистонга қайтарилди
12:12 / 09.06.2026
Ўзбекистоннинг олтин-валюта захиралари қисқарди
11:00 / 08.06.2026