Германия ваъда қилган Leopard 2 танклари Украинага етиб борди – ОАВ

Дастлабки 18 та танк Украинага етказилди.

Фото: Michael Gottschalk / photothek / IMAGO Anmelden

Германия ҳукумати узоқ муҳокамалардан сўнг Киевга топширишга қарор қилган Leopard 2 танклари Украинага етказилди. Бу ҳақда Der Spiegel ёзди. Нашрнинг таъкидлашича, гап 18 та танк ҳақида кетмоқда.

Германия нафақат Leopard 2 танкларини етказиб беришга рози бўлди, балки бошқа мамлакатларга ҳам Украинага бундай танкларни топширишга рухсат берган эди. Хусусан, Польша ҳам ўзининг Leopard 2 танкларини Украинага топширишга қарор қилди. 24 февраль куни Полша мудофаа вазири Мариуш Блашчак 4 та танк Украинага жўнатилганини маълум қилди.

Аввалроқ, Украина президенти Володимир Зеленский қурол-яроғ ва ўқ-дорилар етишмовчилиги сабабли ҳозирча қарши ҳужумга ўта олмаслигини айтган эди.