“Орол муаммоси мен билан тенгдош” – Бибижан Аралбаева
Қорақалпоғистонда “Конституция ўзимизники” тарғибот тадбири ўтказилди. Унда Орол муаммоси бўйича фаол Бибижан Аралбаева сўзга чиқиб, онаси балиқ заводида ишлагани, денгизнинг қуриши уларни қандай қўрқувга солгани ҳақида гапирди.
“Яқинда БМТ минбарида, қорақалпоқ тилида Иброҳим Юсуповнинг элегиясидан парча янгради. Бу бизлар учун жуда қувончли.
Орол муаммоси мен билан тенгдош. Бобом Оролнинг ризқ-у насибаси ҳар доим бўлсин, Орол бой бўлсин деган мақсадда отамга Аралбай деб исм қўйган. 6 ёшлигимда баҳор бошқача келди: атрофда яшиллик йўқ эди, ҳамма жой сап-сариқ, тераклар сўлиб қолган. Бу баҳор менинг болалик жароҳатим бўлди. Бир куни балиқ заводида ишчи бўлиб ишлаган онамнинг кўзларида қўрқув кўрдим. Онам ҳар доим хурсанд юрарди, ишга бориб келиши у учун катта мотивация бўлган. Ўша куни онамнинг кўзидаги қўрқув Оролнинг қуриши, балиқ заводининг ёпилиши ва ишсизлик пайдо бўлиши билан боғлиқ эди.
Янгиланаётган конституциянинг 49-моддасида Оролбўйи ҳудудларида яшовчи халқнинг турмуш даражасини кўтариш, экологик тизимини муҳофаза қилиш, минтақани ижтимоий ва иқтисодий ривожлантириш назарда тутилмоқда. Бу бизнинг эртанги кунимизни кафолатлайдиган муҳим янгилик деб биламан”, — дея таъкидлади Бибижан Аралбаева.
Орол муаммоси бўйича фаол конституциявий ислоҳoтларга бефарқ эмаслигини таъкидлаб, жамоатчиликни референдумда фаол иштирок этишга чақирди.
Маълумот учун, 2023 йилнинг 24 март куни Саида Мирзиёева БМТ бош қароргоҳида тузилманинг Сув масалалари бўйича конференциясида иштирок этиб, Ўзбекистон номидан чиқиш қилганди. У ўз чиқишида дунё ҳамжамиятининг эътиборини яна бир бор Орол фожиасига қаратиб, Иброҳим Юсуповнинг элегиясидан қорақалпоқ тилида парча ўқиб берди.
Мавзуга оид
![](https://storage.kun.uz/source/thumbnails/_medium/10/CtkS9aPguUyNizYzR_QZ9n6h0hGAYRaS_medium.jpg)
11:14 / 07.09.2024
Саида Мирзиёева Қорақалпоғистонга борди
![](https://storage.kun.uz/source/thumbnails/_medium/10/uKhCZX3Tc5r1QnSW44XyKCtLp3-PADW-_medium.jpg)
19:53 / 30.08.2024
Қорақалпоғистонда Бухоро буғусини ноқонуний овлаган браконер 3,5 йилга озодликдан маҳрум қилинди
![](https://storage.kun.uz/source/thumbnails/_medium/10/sxuyfKQTD4RikMOMuR6YRRdD5YoLl--E_medium.jpg)
20:28 / 29.08.2024
“Ортга қайтолмаймиз, лекин Қорақалпоғистонга меҳримиз абадий” – хориждаги қорақалпоқлар
![](https://storage.kun.uz/source/thumbnails/_medium/10/tCYm9LrXBAJPXN10X9oztH_60np2Y2An_medium.jpg)
16:54 / 29.08.2024