Ўзбекистон ва Швейцария ўртасида сиёсий маслаҳатлашувлар ўтказилади

Фото: Дунё

Ўзбекистон ташқи ишлар вазири ўринбосари Ғайрат Фозилов кеча Швейцария Конфедерациясининг фавқулодда ва мухтор элчиси Константин Оболенскийни қабул қилди.

Суҳбат чоғида Ўзбекистон-Швейцария муносабатларини томонларни қизиқтирган соҳаларда янада ривожлантириш юзасидан ўзаро фикр алмашилди.

Музокараларда бўлажак қўшма тадбирлар жадвалига, хусусан, Иқтисодий ҳамкорлик бўйича ҳукуматлараро комиссия ва икки мамлакат ташқи ишлар вазирликлари ўртасида сиёсий маслаҳатлашувларнинг навбатдаги даврасини ўтказишга алоҳида эътибор қаратилди.