Елена Зеленская TIME журналининг энг нуфузли 100 киши рўйхатига кирди

Украина биринчи хонимига ҳуқуқ ҳимоячиси Олександра Матвийчук ҳамроҳлик қилди.

Фото: president.gov.ua

Украинанинг биринчи хоними Елена Зеленская Американинг TIME журнали томонидан 2023 йилда сайёрамизнинг энг нуфузли 100 кишиси рўйхатига киритилди. «Етакчилар» номинациясида Украина президенти Володимир Зеленскийнинг рафиқаси билан бирга Нобел мукофоти совриндори, ҳуқуқ ҳимоячиси Олександра Матвийчук ҳам бор.

TIME журналининг ушбу номинациясида АҚШ президенти Жо Байден, Германия канцлери Олаф Шолц, Россияда ҳибсга олинган WSJ журналисти Эван Гершкович, Япония бош вазири Фумио Кисида ва бошқалар бор.

TIME журналининг энг нуфузли 100 киши рейтинги «Санъаткорлар», «Кумирлар», «Пионерлар», «Титанлар», «Инноваторлар» ва «Етакчилар» тоифаларидан иборат.

2022 йилда Россия Украинага қарши кенг кўламли уруш бошлаганида президент Володимир Зеленский йилнинг энг нуфузли шахсига айланди. Унинг номзоди учун TIME журналининг 3,3 миллиондан ортиқ ўқувчиси овоз берди, бу умумий ўқувчиларнинг 5 фоизини ташкил этади.

#Украина #TIME #Елена Зеленская