Бектемирдаги мактабда ўқувчи ўзини 3-қаватдан пастга ташлади
Ўзини 3-қаватдан ташлаган ўқувчи йигит Бектемир туманидаги 289-мактабнинг 11-синфида ўқийди. У тез ёрдам машинасида касалхонага олиб кетилган. Бола тирик экани ва унга жиддий зарар етмагани маълум қилинди.

Тошкент шаҳри Бектемир туманидаги 289-мактабнинг 11-синф ўқувчиси (ўғил бола) ўзини 3-қаватдан пастга ташлаган. У тез ёрдам машинасида касалхонага олиб кетилган. Бу ҳақда Kun.uz манбаси маълум қилди.
Kun.uz ҳолатга ойдинлик киритиш учун Мактабгача ва мактаб таълими вазирлиги ахборот хизмати билан боғланди. Маълум бўлишича, ўқувчи тирик ва унга жиддий зарар етмаган. Ўқувчи билан боғлиқ ҳолат назоратга олингани ва сабаблари суриштирилаётганини билдирилди.
Шунингдек, ҳолат юзасидан Тошкент шаҳар мактабгача ва мактаб таълими бошқармаси баёнот берди. Таъкидланишича, 11-синф ўқувчиси танаффус вақтида мактабнинг ички биноси 3-қавати ойнасидан ташқарига қараганида ўз мувозанатини йўқотган ва пастга тушиб кетган.
“Ўқувчилар бу ҳақда мактаб маъмуриятини хабардор қилган. Шу заҳотиёқ мактаб ҳамшираси ўқувчи С.А. га биринчи тиббий ёрдам кўрсатган. Сўнгра тез тиббий ёрдам машинасида шифохонага етказилган. Айни пайтда С.А.нинг саломатлиги яхши ва жароҳат олмаган”, — дейилади расмий изоҳда.
Эслатиб ўтамиз, аввалроқ Миробод туманидаги 110-сонли мактаб ўқувчиси вафот этгани ҳақида хабар берилганди. Вазирлик матбуот хизмати мазкур ҳолат бўйича баёнот бериб, воқеа дарс вақтида эмас (ижтимоий тармоқларда воқеа жисмоний тарбия дарсида рўй бергани ҳақида миш-миш тарқалганди), дарсдан сўнг рўй берганини қайд этганди.
Тавсия этамиз
Нима учун Кореяни танлаш ёки танламаслик керак? | SUBYEKTIV
Жамият | 19:02 / 30.06.2025
Уруш тугади, энди Исроил ва Эрон нима қилади?
Жаҳон | 12:02 / 30.06.2025
Кўчмас мулк савдосини нақдсиз шаклга ўтказиш режалаштириляпти
Иқтисодиёт | 11:26 / 30.06.2025
Ҳиндистонда ўн миллионлаб одам уран билан ифлосланган сувни ичмоқда — олимлар
Жаҳон | 09:01 / 30.06.2025
Сўнгги янгиликлар
-
Заргарлик буюмларини ноқонуний тарзда олиб кирмоқчи бўлган шахс ушланди
Ўзбекистон | 12:18
-
Навоий кўчасида қурилиши битмаган бино том қисмида ёнғин содир бўлди
Ўзбекистон | 11:56
-
Германия ТИВ раҳбари Хитойни Москвага таъсир ўтказишга чақирди
Жаҳон | 11:50
-
Самарқанд нўхат шўраги географик кўрсаткич сифатида рўйхатдан ўтказилди
Ўзбекистон | 11:37
Мавзуга оид

11:36 / 17.06.2025
Тошкентда сифати кафолатланмаган дорини 16 минг долларга сотаётган шахс ушланди

08:16 / 07.06.2025
Тошкентда кўп қаватли уйдаги хонадонда ёнғин содир бўлди

15:08 / 04.06.2025
Тошкентда Nexia хавфсизлик оролчасидаги пиёдани уриб юборди

22:30 / 30.05.2025