30 апрел куни Ўзбекистоннинг барча ҳудудларида бўлгани каби Самарқандда ҳам ўзбекистонликлар конституцияга ўзгартириш киритиш масаласида ўтказилган референдумда иштирок этди.
Энг кўп (2,08 миллиондан кўпроқ) сайловчилар рўйхатга олинган ҳудудлардан бири айнан Самарқанд ҳисобланади. Самарқанд шаҳридаги сайлов участкаларида кўпчилик тушгача овоз бериб бўлди.
Самарқанд давлат университети биология факултети биносида Гўри амир маҳалласи фуқароларидан ташқари бошқа вилоятлар ва олис туманлардан шаҳарга келиб ўқиётган сайловчилар учун референдум участкаси ташкил қилинди. 17:00 ҳолатига кўра Самарқандда 1,7 миллиондан ортиқ сайловчи референдумда овоз бериб бўлган.
