Киев: Россия қарши ҳужумни қаердан кутишни аниқ билмаяпти

Херсон йўналишида вазият кескин, Россия қўшинлари Украина Қуролли кучлари жангчилари дарёдан ўтиб кетишининг олдини олиш учун Днипронинг чап қирғоғини миналаштирмоқда.

Фото: Libkos / AP / Scanpix / LETA

Бироқ, россияликлар "зарбанинг максимал кучини қайси йўналишдан кутишни билмаяптилар ва шунинг учун улар ўз саъй-ҳаракатларини Запорижжя ҳамда Херсон йўналишларида ёйишмоқда", - деб маълум қилди Украинанинг "Жануб" оператив қўмондонлиги матбуот котиби Наталя Гуменюк умуммиллий телемарафон эфирида.

Украина армиясининг бир қисми, НАТО мамлакатларида ўқитилган янги бўлинмалари ҳужумга “тайёр”, дея маълум қилди Украина президенти Володимир Зеленский.

Бироқ, армияга ҳали ҳам “бир нарса”, жумладан, “партиялар билан келаётган” зирҳли машиналар талаб этилади.

"Бизда мавжуд бўлган нарсалар билан олдинга силжишимиз мумкин, менинг фикримча, муваффақиятга эришамиз, - деди у Британия нашрларига берган интервюсида. - Аммо биз кўп одамларни йўқотамиз. Менимча, бу қабул қилиб бўлмайдиган нарса. Шунинг учун биз кутишимиз керак. Бизга ҳали яна бироз вақт талаб этилади".

#Киев #Россия