Володимир Зеленский Араб давлатлари лигаси саммитига борди
Reuters агентлигига кўра, Зеленскийнинг Саудия Арабистонига ташрифидан кўзланган мақсадлардан бири араб давлатларини Украина томонига ўтказишга уринишдир.
Украина президенти Володимир Зеленский 19 май, жума куни Араб давлатлари лигаси саммити очиладиган Саудия Арабистонининг Жидда шаҳрига етиб борди.
Зеленский Саудия Арабистонига Франция ҳукумати самолётида учиши ҳақида аввалроқ Reuters манбаси хабар берган эди. Агентлик суҳбатдошининг сўзларига кўра, Зеленскийнинг Саудия Арабистонига ташрифидан кўзланган мақсадлардан бири Россия билан можарода ҳамон нейтрал позицияни эгаллаб келаётган мамлакатларни Украина томонига тортишга уринишдир.
Бу Украина давлат раҳбарининг Россиянинг Украинага бостириб кириши бошланганидан бери араб минтақасига биринчи ташрифидир.
Зеленский ўзининг Telegram-каналида Саудия Арабистонига келганини тасдиқлади.
«Мен Араб давлатлари лигаси саммитида нутқ сўзлайман. Валиаҳд шаҳзода Муҳаммад бин Салмон Ол Сауд билан учрашаман ва бошқа икки томонлама музокаралар ўтказаман», деб ёзади у.
Президентнинг сўзларига кўра, музокаралар «тинчлик формуласи» ва келгуси қишда Украинанинг энергия хавфсизлигини таъминлаш масалаларига ҳам тегишли бўлади.
Мавзуга оид
23:25 / 03.10.2024
Тинчлик бўйича Нобел мукофотига 280 дан ортиқ номзод илгари сурилди. Улар орасида Навалний ҳам бор
14:30 / 01.10.2024
Ўзбекистон бош вазири ўринбосари Саудия инвестициялар вазири билан музокара ўтказди
19:43 / 29.09.2024
Саудия Арабистонида 2024 йилда қанча инсон қатл этилгани маълум бўлди
10:30 / 28.09.2024