Навалний штабининг собиқ раҳбари колониядан чиқди

Алексей Навалнийнинг Архангелск штаби собиқ раҳбари ва Шиесдаги чиқиндихона қурилишига қарши намойишлар иштирокчиси Андрей Боровиков икки йилдан ортиқ қамоқда ўтирганидан сўнг Архангелск яқинидаги колонияни тарк этди. Бу ҳақда 23 май, сешанба куни маҳаллий “29.ру” нашри хабар берди.

2021 йилда 32 ёшли Боровиков порнография тарқатганликда айбланган, у олти йил олдин Rammstein немис гуруҳининг қўшиғига ҳаволани "Вконтакте" ижтимоий тармоғидаги саҳифасига қўшган. Унинг ўзи қўзғатилган ишни сиёсий иш деб баҳолади. Фаол 2,5 йилга қамалган, кейинроқ суд унинг ўғли туғилиши муносабати билан жазони уч ойга қисқартирган.

Андрей Боровиков жазони Архангелск вилоятининг Лесная Речка қишлоғидаги 7-сонли колонияда ўтаган. Ўтган йилнинг ноябр ойидан бошлаб у мунтазам равишда ЖИЗОга жўнатилган ва феврал ойида колониядаги қаттиқ шароитда сақлаш режимига ўтказилган, деб ёзади "ОВД-Инфо". Март ойида Навалнийнинг тарафдори озод этилганидан кейин маъмурий назоратга олиниши белгиланди.