Европа Иттифоқи Бельгиянинг Euroclear ҳисоб марказида сақланаётган Россиянинг 196,6 миллиард евролик музлатилган активларидан олинган фойдани Украинага бериш имкониятини муҳокама қилмоқда, деб ёзади Financial Times манбаларга таяниб.
Фото: AP
Бундай ҳаракат активларнинг ўзини экспроприация қилишга олиб келмайди, балки Ғарбнинг Россияга молиявий босимининг кучайишини англатади, дея таъкидлайди газета.
Жорий йилнинг биринчи чораги якунларига кўра, Euroclear Россиянинг музлатилган активлари ҳисобидан киритилган сармоя эвазига 734 миллион евро фойда кўрган.
«Ушбу фоизлар кимга тегишли эканлиги тўлиқ аниқ эмас. Бу фоиздан Украина манфаатлари йўлида фойдаланиш номаълум масала бўлиб қоляпти, аммо биз буни амалга ошириш мумкинлигига ишонамиз», деди FT нашрига мунозаралардан хабардор манба.
Нашрнинг бошқа манбасига кўра, «молиявий институтлар бу пул билан нима қилишни билмаяпти» ва фойдани Украинага ёрдам бериш учун ўтказиш варианти «истиқболли бўлиб кўриняпти».
