Тадбиркорлар учун Tourist-friendly ихтиёрий сертификати жорий этилади

Вазирлар Маҳкамасининг “Tourist-friendly ихтиёрий сертификатлаштиришни жорий этиш тўғрисида”ги қарори лойиҳаси эълон қилинди.

Лойиҳага мувофиқ республиканинг туризм салоҳиятини янада ривожлантириш, мамлакатга келган туристларга тадбиркорлик субъектлари томонидан 24 соат давомида хизмат кўрсатишни, уларнинг вақтини мароқли ўтказиши учун сертификат олиш назарда тутилмоқда.

Қарор лойиҳасининг асосий мақсади Tourist-friendly ихтиёрий сертификатини олган ҳолда тадбиркорлик субъектларини 24 соат давомида фаолият юритишини таъминлаш мақсадида, туристларнинг сутканинг исталган вақтида хизматлардан фойдаланиш имкониятини бериш ҳисобланади.

Лойиҳага мувофиқ тадбиркорлик субъектлари томонидан ихтиёрий сертификат олиш тартиблари белгиланмоқда. Бунда ташкилот, истеъмолчилар талабларига жавоб берадиган туризм хизматларини етказиб беришда ўз имкониятини намойиш қилишда эҳтиёж сезганда, шунингдек туризм хизматлари, жумладан меҳмондўстлик муҳитини  яратган ҳолда ташриф буюрувчиларга хизмат кўрсатиш сифатини таъминлаш хизмати истеъмолчиларини қониқтиришга ҳаракат қилади.