Россия Лвивга, Украина — Ясиноватаяга зарба берди. Уруш суратлари

Украинада урушнинг 498-куни ўтди. Асосий маълумотлар:

6 июл куни Белгород области губернатори област ҳудудида ҳаво ҳужумидан мудофаа кучлари ишга тушгани ҳақида хабар қилди. Mash телеграм-каналига кўра, тўққизта дрон нефт омбори ва нимстанцияга ҳужум қилишга уринган.
NYT нашри хабарига кўра, Байден маъмурияти Украинага кассетали ўқ-дорилар бермоқчи.
Россия Финландиянинг Петербургдаги бош консулхонасини ёпишга қарор қилди. Бунга жавобан мамлакатга россиялик тадбиркорлар, талабалар ва кўчмас мулк эгаларининг кириши қийинлаштирилди. Ўзгаришлар 10 июлдан кучга киради.
Reuters маълумотига кўра, Австриянинг Raiffeisen Bank International банки уруш тез орада якунланишидан умид қилган ҳолда Россиядан кетишни ортга сурмоқда.
Буюк Британия «Сбербанк»нинг собиқ раис ўринбосари Лев Хасисга қарши санкцияларни бекор қилди.
Украина ва Россия ўртасида асирлар алмашинуви ўтказилди. Бу жараён доирасида Украинага 45 киши қайтган, уларнинг барчаси — «Азовстал» ҳимоячиларидир. Шунингдек, Россия ҳудудига депорт қилинган болалардан икки нафари ҳам Украинага қайтган. Россия уч нафар учувчисини асирликдан қутқарган.

Куннинг асосий воқеаси: Лвивга зарба

6 июлга ўтар кечаси Россия армияси Украина ғарбидаги Лвив шаҳрига ракета зарбаси йўллади. Шаҳар мэри Андрей Садовий ҳодисани Россиянинг Украинага босқини бошланганидан буён «Лвивда фуқаролик инфратузилмасига қилинган энг йирик ҳужум» деб атади. Садовийнинг сўнгги маълумотларига кўра, ҳужум оқибатида 10 киши ҳалок бўлган, Фавқулодда вазиятлар бўйича давлат хизматининг Лвив области бошқармаси тўққиз қурбон ва 36 нафар жабрланувчи ҳақида хабар берган. Зарба 35 дан ортиқ уй, 10 та ётоқхона, шунингдек болалар уйи, олий таълим муассасининг икки биноси ва бошқа фуқаролик инфратузилмаларига зарар етказган. Қутқарув-қидирув амалиёти 7 июл тонгида якунланди.

Россияликларнинг Лвивга ракета зарбасидан ҳосил бўлган тутун
Yuriy Dyachyshyn / AFP / Scanpix / LETA

Вайрон бўлган турар жой биносининг юқоридан кўриниши. Уй ёнида қутқарувчилар ишламоқда
Украина президенти матбуот хизмати / Reuters / Scanpix / LETA

Спасатели эвакуируют раненого во время российского ракетного удара по Львову
Украина ФВДХ / Reuters / Scanpix / LETA

Лвивда яраланган аёл ҳужумдан сўнг журналистлар билан гаплашмоқда
Mykola Tys / AP / Scanpix / LETA

Olena Znak / Anadolu Agency / ABACAPRESS / ddp images / Vida Press

Лвивдаги турар жой биноси харобаларидан маҳаллий аҳоли вакили жасадини чиқариб олаётган қутқарувчилар
Украина ФВДХ / Reuters / Scanpix / LETA

Лвивлик аёл ва унинг кучуги зарбадан шикастланган турар жой биноси ҳовлисида
Roman Baluk / Reuters / Scanpix / LETA

Украина қуролли кучларининг Бахмут атрофидаги позицияси

Украинанинг «Эделвейс» 10-десант-штурм бригадаси ҳарбийлари россияликларнинг олдинги чизиқдаги позицияларига Д-30 гаубицасидан ўт очмоқда
Libkos / AP / Scanpix / LETA

Харкив областидаги украиналик қидирувчилар

Украиналик қидирувчилар ҳалок бўлган россиялик ҳарбий жасадини транспортировка қилмоқда. Уни Харкив области Вернопиле қишлоғида ракета зарбасидан вайрон бўлган мактаб олдида ҳосил бўлган ўрадан чиқариб олишган.
Evgeniy Maloletka / AP / Scanpix / LETA

Россия оккупацияси остидаги Ясиноватаянинг ўққа тутилиши

Ясиноватая шаҳри Донецкдан 25 километр масофада жойлашган. Област маркази каби бу шаҳар ҳам 2014 йилдан буён Россия қўшинлари оккупацияси остида. Аннексия қилинган «ДХР» расмийлари 6 июл куни кечқурун украин қўшини Ясиноватая шаҳри ва Ласточкино посёлкасини ўққа тутиб, баравар ўт очиш реактив тизимларидан 10 та ракет учиришгани ҳақида хабар берди. Жабрланганлар ва ҳалок бўлганлар ҳақида маълумот йўқ.