Қамчиқ довонида 2 аёл сел оқизиб кетиши оқибатида ҳалок бўлди
Улар кучли жала вақтида тошқин сувлари учун мўлжалланган қувурга кириб олган.
Қамчиқ довонида наманганлик икки аёл жасади топилгани ҳақида хабарлар тарқалди. Наманган вилояти ФВБ матбуот хизмати бунга муносабат билдирди.
Маълум бўлишича, 7 июл куни М-39 Гулистон-Бўка-Ангрен-Қўқон ва Андижон орқали — Ўш автомобил йўлининг Тошкент-водий йўналишида икки аёл (уларнинг иккиси ҳам 23 ёшда бўлган) тоғ баландлигидаги йирик шохли молларини соғиш учун кетаётган бўлган.
Соат 19:20 дан 19:27 гача кучли жала ёғиши кузатилган. Аёллар эса бу пайтда сел тошқин сувлари учун махсус мўлжалланган 1200 диаметрли темир қувур ичига кириб олган. Шу вақтда 40−50 метр куб миқдоридаги сел келиб, аёлларни қувур ичидан «Резаксой»нинг 400 метр оқими бўйлаб олиб кетган.
Сойни сел массасидан тозалаш жараёнида уларнинг жасади топилган.
Ҳозирда ИИБ тезкор-тергов гуруҳи томонидан дастлабки терговолди суриштирув ишлари олиб борилмоқда.
Мавзуга оид
21:19 / 05.09.2024
Учта вилоят чегарасига ўзгартириш киритилмоқда
19:01 / 03.09.2024
Президент йиғилишида ишдан олинган Мингбулоқ тумани ҳокими янги лавозимга тайинланди
12:59 / 19.08.2024
Наманган вилояти ҳокими ўринбосари 7,5 йилга озодликдан маҳрум қилинди
19:33 / 16.08.2024