АҚШ ва Финландия президентлари Ҳелсинкида музокара ўтказди

АҚШ президенти Жо Байден 13 июль, пайшанба куни Ҳелсинкидаги президент саройида финландиялик ҳамкасби Саули Ниинистё билан учрашди. «Сизни Финландияда кутиб олиш мен учун катта хурсандчиликдир. Финландия хавфсизлик сиёсатида янги даврга қадам қўйганида катта қўллаб-қувватлаганингиз учун яна бир бор миннатдорчилик билдираман», - дея Ниинистёнинг сўзларидан иқтибос келтирган Yle медиа-компанияси. Финландия раҳбари ўз мамлакатининг НАТОга аъзо бўлгани ва бу қадам Вашингтон томонидан маъқулланганини эслатди. «Ҳа, дейишим учун уч сония вақт кетди», деб жавоб берди Оқ уй раҳбари.

Америка президенти Финландия ва АҚШ ўртасидаги ҳамкорлик, жумладан, хавфсизлик сиёсати соҳасида ҳам муҳимлигини таъкидлади. «НАТО аввал қачондир ҳозиргидан кучлироқ бўлган деб ўйламайман», деди Байден. 

Оқ уй раҳбари Ниинистё ва Финландия бош вазири Петтери Орпо билан учрашишдан ташқари, Швеция, Норвегия, Дания ва Исландия раҳбарлари билан ҳам музокаралар ўтказиши режалаштирилган. Байден беш йил аввал Доналд Трамп Россия президенти Владимир Путин билан учрашганидан кейин Финландияга ташриф буюрган биринчи АҚШ президенти бўлди. 

Бир неча кун олдин Байден Буюк Британияга ташриф буюрди ҳамда у ерда бош вазир Риши Сунак ва қирол Чарлз III билан учрашди. Оқ уй раҳбари 11 ва 12 июль кунлари НАТОга аъзо давлатлар раҳбарларининг саммити бўлиб ўтган Вилнюсга борди. У ерда Байден Украина президенти Володимир Зеленский билан музокара ўтказди.