Ўзбекистон ҳудудига янада иссиқ ҳаво кириб келиши кутиляпти

Жорий йилнинг 24-27 июль кунлари Ўзбекистон ҳудудига иссиқ ҳаво кириб келиши кутиляпти. Бу ҳақда “Ўзгидромет” бош директори Шерзодхўжа Ҳабибуллаев хабар берди.

Қайд этилишича, шу сабабли ҳаво ҳарорати:

24-25 июлда Қорақалпоғистон Республикаси, Хоразм вилоятида +41...+42 даражагача;

24-27 июлда Бухоро, Навоий, Қашқадарё, Сурхондарё вилоятларида +42...+44 даражагача;

25-27 июлда Тошкент, Самарқанд, Жиззах, Сирдарё вилоятларида ва Фарғона водийси вилоятларида +41...+42 даражагача кўтарилади.

24-26 июль кунлари шимолда, жанубда ва чўл ҳудудларида шамол тезлиги 13-18 м/с гача, баъзи жойларда 20-22 м/с гача кучайиши, айрим жойларда чанг-тўзонлар билан кузатилиши кутилмоқда.