CAFA Futsal Cup-2023. Ўзбекистон Туркманистонни мағлубиятга учратди

Тожикистон пойтахти Душанбеда CAFA Futsal Cup-2023 турнири 3-тури доирасида Ўзбекистон ҳамда Туркманистон миллий жамоалари ўртасидаги учрашув якунланди.

Фото: ЎФА

Баҳодир Аҳмедов шогирдлари мусобақадаги учинчи ўйинида турнирдаги 2-ғалабасини расмийлаштирди. Ихтиёр Ропиев, Акбар Усмонов ва Илҳом Ҳамроевнинг учта голига қўшниларимиз битта гол билан жавоб қайтаришди – 3:1.

Шу тариқа, Ўзбекистон гуруҳдаги очколари сонини 6тага етказиб, ҳозирча 2-ўринга кўтарилди. Бугун тур доирасида Эрон – Афғонистон, Тожикистон – Қирғизистон ўйинлари ўтказилади. Вакилларимиз дастлабки икки турда мезбонларни мағлуб этган, афғонларга эса ютқазганди.

CAFA Futsal Cup-2023. 3-тур
Ўзбекистон – Туркманистон – 3:1
Голлар: Ихтиёр Ропиев 3ʼ, Акбар Усмонов 13ʼ, Илҳом Ҳамроев 35ʼ - Шири Байрамдурдиев 37ʼ.
Ўзбекистон: 1. Равшан Элибоев, 2. Хушнуд Эркинов, 3. Машраб Одилов, 5. Суннатилла Жўраев, 11.Акбар Усмонов.
Захира: Аббос Элмуродов, Илҳомжон Ҳамроев, Ҳусниддин Нишонов, Даврон Чориев, Ихтиёр Ропиев, Абдулла Солиҳов, Абдувалиев.