Қўшимча функционаллар
-
Тунги кўриниш
Литва Беларус билан чегарадаги ўтказиш пунктларини ёпади
Литва қўшни давлатда «Вагнер» ХҲК ёлланма аскарлари борлиги сабабли Беларус билан чегарадаги олтита ўтказиш пунктидан иккитасини ёпиш ниятида.
«Биз тегишли қарор тайёрлаяпмиз», деди Литва ички ишлар вазири ўринбосари Арнолдас Абрамавичус.
Литва ва Полша НАТО иттифоқчиларини «Вагнер гуруҳи» жангчилари Европа Иттифоқига кириш учун бошпана изловчи мақомидан фойдаланиши мумкинлиги ҳақида бир неча бор огоҳлантирган.
«Беларускi Гаюн» мониторинг лойиҳаси маълумотларига кўра, Россиянинг «Вагнер» ХҲК жангчиларининг 80 дан ортиқ автомашинадан иборат 13-карвони Беларусга кириб келган.
Беларус раҳбари Александр Лукашенконинг таъкидлашича, Беларусда жойлашган «Вагнер» ХҲК «ёлланма аскарлари», унинг сўзларига кўра, «Варшавага экскурсияга боришни» хоҳлаётгани сабабли вазиятни «қийинлаштиришни бошлади». Лукашенко бу ҳақда 23 июль куни Санкт-Петербургда Россия президенти Владимир Путин билан учрашувда гапирди.
