Тожикистонда даҳшатли авария: 10 киши ҳалок бўлган (видео)

Тожикистонда 6 август куни кечқурун рўй берган даҳшатли йўл-транспорт ҳодисаси оқибатида 10 киши ҳалок бўлиб, 14 киши жароҳат олган. Бу ҳақда Asia-Plus портали хабар бермоқда.

ЙТҲ Хатлон вилоятидан ўтган Душанбе—Кўлоб—Хорўғ автомобил йўлида рўй берган. Бу ерда юк машинаси бир нечта енгил машиналарни босиб кетган ва уйларга бориб урилган.

{Yii::t(}

Ўтказиб юбориш 6s

Ўтказиб юбориш

Тожикистон ИИВ маълумотига кўра, юк машинасининг тормози ишламай қолган. Ҳолат юзасидан жиноий иш очилган.

Вилоят соғлиқни сақлаш бошқармасидаги манба ЙТҲ оқибатида 10 киши ҳалок бўлиб, 13 киши жароҳатлангани ҳақида хабар берган. Жароҳат олганлардан икки нафарига биринчи тиббий ёрдам кўрсатилган, қолганлари касалхонага ётқизилган.

Республика президенти ҳузуридаги Фавқулодда вазиятлар қўмитаси 14 киши жабрланганини маълум қилди.