Ой давомида 97,5 мингта енгил автомобиллар сотилиб, ўтган ойга нисбатан 0,1 фоизга пасайган.
Иқтисодий тадқиқотлар ва ислоҳотлар маркази Ўзбекистон автомобил бозорида август ойи якунлари бўйича шарҳ тақдим этди.
Ўзбекистон автомобил бозорида барқарор ўсиш давом этмоқда. Ой давомида сотувлар 2,4 фоизга ўсган ва энг сезиларли ўсиш электромобиллар иккиламчи бозорида қайд этилган.
Август ойида жами 37,7 мингта янги енгил автомобиллар сотилиб, автомобил сотуви ўтган ойга нисбатан фоизга ўсган. Ўтган йилнинг август ойига нисбатан бирламчи енгил автомобиллар бозорида ўсиш 2 баравардан кўпроқни ташкил этди.
Иккиламчи бозорда енгил автомобиллар савдоси бироз пасайди. Ой давомида 97,5 мингта енгил автомобиллар сотилиб, ўтган ойга нисбатан 0,1 фоизга пасайган. Шу билан бирга, ўтган йилнинг август ойига нисбатан сотув миқдори 7 фоизга ўсган.
Август ойида енгил электромобиллар сотуви 3,7 мингтадан ошиб, июл ойига нисбатан 38 фоизга кўпайган. Ўтган йилнинг шу даврига нисбатан электромобиллар сотуви 5 бараварга ошган.
