Венгриянинг Ўзбекистондаги янги элчиси тайинланди

Йожеф Рожа Венгриянинг Ўзбекистондаги фавқулодда ва мухтор элчиси лавозимига тайинланди. Бу ҳақда ташқи ишлар вазири Бахтиёр Саидов хабар берди.

«Йожеф Рожа жанобларини Венгриянинг Ўзбекистондаги Фавқулодда ва Мухтор Элчиси лавозимига тайинлангани билан табриклаймиз. Бугун Ташқи ишлар вазирлигида Элчининг ишонч ёрлиқлари нусхаларини қабул қилдик ҳамда ҳамкорлигимизнинг асосий устувор йўналишларини ва яқин истиқболдаги режаларимизни муҳокама қилдик. Жаноб Элчига мамлакатимиздаги янги дипломатик миссияси давомида муваффақиятлар тилаймиз», дейилади хабарда.

Эслатиб щтамиз, бундан олдин Дюла Ковач Венгриянинг Ўзбекистондаги элчиси лавозимида ишлаган эди.