ЖЧ-2030га учта қитъадаги 6 мамлакат мезбонлик қилади

Бугун, 4 октябр куни ФИФА кенгашининг йиғилиши бўлиб ўтиб, унда 2030 йилги жаҳон чемпионати мезбонлик учун ариза топширган барча мамлакатларда бўлиб ўтишига қарор қилинди.

Фото: Getty Images

Унга кўра, 2030 йилги жаҳон чемпионати 3та қитъадаги 6та мамлакатда ўтказилади. Аксарият ўйинларга Марокаш, Испания ва Португалия мезбонлик қилади. Учта ўйин эса Жанубий Америка қитъасида бўлиб ўтади. Турнирнинг очилиш ўйини Уругвайда бўлиб ўтса, Аргентина ва Парагвай ҳам гуруҳдаги дастлабки ўйинини мухлислари қаршисида ўтказади. Финал ўйини эса Мадриддаги «Сантьяго Бернабеу» ўйингоҳида ўтказилиши режалаштирилган.

Қайд этиш жоиз, 2030 йилда илк жаҳон чемпионати ўтказилганига 100 йил тўлади. Ўша турнирга Уругвай мезбонлик қилганди.

Маълумот учун, ЖЧ-2026 АҚШ, Канада ва Мексика майдонларида бўлиб ўтади. Турнирда 48 жамоа иштирок этади.

#жаҳон чемпионати #ЖЧ-2030

Kun.uz янгиликларини Google News'да кузатинг

+ Обуна бўлиш