Жаҳонгир Аминов Ўзбекистоннинг Исроилдаги янги элчисига айланди. У 2020 йилдан буён ишлаб келган Феруза Маҳмудованинг ўрнини эгаллади.
Фото: Twitter / ZBenHillel
Жаҳонгир Аминов Ўзбекистоннинг Исроилдаги янги элчиси бўлди. Бу ҳақда Исроилнинг Тошкентдаги элчиси Зехавит Бен-Гилел маълум қилди.
Жаҳонгир Аминов 2019 йил октябр ойидан буён Ташқи ишлар вазирлиги Ташқи иқтисодий ҳамкорлик бош бошқармасининг Хорижий инвестицияларни жалб қилиш ва молиявий-техник кўмаклашиш бошқармаси бошлиғи лавозимида ишлаб келган.
Ундан аввал ТИВ МДҲ давлатлари билан ҳамкорлик бошқармаси бошлиғи лавозимида фаолият юритган.
2020 йилдан буён Ўзбекистоннинг Исроилдаги элчиси лавозимида ишлаб келган Феруза Маҳмудова ўз миссиясини якунлаяпти.
