Умумий майдони 500 кв.м бўлган павилён халқаро аэропортнинг учиб келиш зали ёнидаги P2 автотураргоҳида жойлашган.
Фото: Uzbekistan Airports
Тошкент аэропортининг учиб келиш ҳудудида кутиб олувчилар учун павилён қурилиши якунланди. Бу ҳақда Uzbekistan Airports хабар берди.
2 ноябр куни кутиш зали очилди. Умумий майдони 500 кв.м бўлган павилён халқаро аэропортнинг учиб келиш зали ёнидаги P2 автотураргоҳида жойлашган. Ушбу павилйонда кутиб олувчилар учун ўриндиқлар мавжуд бўлиб, яқин кунларда кафе ва гул дўкони очилади ҳамда савдо автоматлари, банкоматлар, мобил қурилмалар учун зарядлаш пунктлари ўрнатилиши айтилмоқда.
Қайд қилинишича, павилйон вақтинчалик ечим ҳисобланади. Айни пайтда мавжуд терминални кенгайтириш лойиҳасини ишлаб чиқиш якуний босқичда бўлиб, у ерда кутиб олувчи ва кузатувчилар учун барча шароитлар яратилади.
