Тошкентда янги йўл ўтказгич танклар билан синаб кўрилди

Синов натижаларига кўра йўл ўтказгич мустаҳкам экани аниқланган.

Фото: Транспорт вазирлиги ахборот хизмати

Тошкент шаҳрининг Бобур кўчаси ва «Тошкент» халқаро аэропортини боғловчи йўл ўтказгичнинг биринчи босқич қурилиш-монтаж ишлари якунланди. Бу ҳақда Транспорт вазирлиги хабар берди.

Қайд қилинишича, йўл ўтказгич амалда синаб кўрилган. Ундан 4 та автотрейлер (ҳар бири 35 тонна) ва 4 та ҳарбий танк (ҳар бири 40 тонна) ўтказилиб, 300 тонна юклама берилган.

Синов натижаларига кўра йўл ўтказгич мустаҳкам экани, берилган юкламадан ҳам ортиғига бардошли экани аниқланган.