Самарқанддан Измирга мунтазам авиақатновлар йўлга қўйилди

Туркиянинг SunExpress авиакомпанияси Самарқанд ва Измир ўртасида мунтазам авиақатновларни йўлга қўйди. 

13 ноябр куни Измирдан парвоз қилган самолёт биринчи марта Самарқанд аэропортига қўнди. 

Қайд қилинишича, SunExpress мазкур йўналишда мунтазам қатновларни ҳафтада икки маротаба, душанба ва пайшанба кунлари амалга оширади. Самолёт Измирдан соат 22:05 да учади, Самарқандга соат 4:40 да қўнади. Ўз навбатида, Самарқанддан соат 5:40 да учиб кетади ва Измирга соат 9:05 да етиб боради. Ҳар бир аэропорт учун маҳаллий вақт кўрсатилган.