Қатарда Ўзбекистон элчихонаси очилди

Доҳада Ўзбекистоннинг Қатардаги элчихонаси очилди. 2023 йил май ойида Тошкентда ушбу давлатнинг дипломатик ваколатхонаси иш бошлаган эди.

Фото: Telegram / bakhtiyor_saidov

Қатар пойтахти Доҳа шаҳрида 11 декабр куни Ўзбекистон элчихонасининг очилиш маросими бўлиб ўтди. Бу ҳақда ташқи ишлар вазири Бахтиёр Саидов хабар бермоқда.

Ушбу элчихоналар алоқаларни янада мустаҳкамлашга хизмат қилади, деб ёзади вазир.

У Қатарга «Умумий келажакни бунёд этиш» мавзусидаги Доҳа форумида иштирок этиш учун борган. Ташриф давомида Қатар бош вазири, шунингдек, транспорт вазири ва бошқалар билан учрашув ўтказди.