Қўшимча функционаллар
-
Тунги кўриниш
Самарқанд ва Тошкент вилоятларида “валютчик”лар ушланди
Чирчиқ шаҳри ва Самарқанд туманида ўтказилган тезкор тадбирларда аввалдан валюта айирбошлаш билан шуғулланиб келган шахслар ушланган.
Фото: Прокуратура департаменти
Бош прокуратура ҳузуридаги департаментнинг хабар беришича, департаментнинг Тошкент вилоят бошқармаси томонидан Чирчиқ шаҳрида ўтказилган тезкор тадбирда валюта айирбошлаш билан шуғулланиб келган С.С. 3 000 АҚШ долларини фуқаро Э.М.га 37,2 млн сўмга сотган вақтида ушланган.
Текширув давомида унинг ёнидан яна 1 304 АҚШ доллари, 100 евро ва 70 минг Қозоғистон тенгеси ашёвий далил сифатида олинган.
Шу каби, департаментнинг Самарқанд туман бўлими томонидан ўтказилган тезкор тадбирда валюта айирбошлаш билан шуғулланиб келган М.О. 3 200 АҚШ долларини фуқаро А.А.га 39,6 млн сўмга сотган вақтида ашёвий далиллар билан ушланган.
Қайд этилишича, мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Мавзуга оид
13:38 / 08.11.2024
Миср Тошкент вилоятида кўчмас мулк соҳасига инвестиция киритмоқчи
09:28 / 08.11.2024
Самарқандга 100 та электробус олиб келинади
21:15 / 07.11.2024
Тошкент вилоятида иситиш мавсуми 8 ноябрдан бошланади
10:53 / 07.11.2024