Ғазо секторида 20 нафардан ортиқ исроиллик аскар ҳалок бўлди

Сешанба куни Ғазо секторининг марказий қисмида портлашлар оқибатида 20 нафардан ортиқ исроиллик ҳарбий ҳалок бўлди. Бу Исроил армиясининг ҲАМАСга қарши уруш бошланганидан буён энг йирик бир марталик йўқотишидир.

Фото: AFP

Қурбонлар сони ҳозирча аниқ эмас. ЦАҲАЛ расмийси адмирал Даниэл Ҳагари 21 ҳарбий ўлимини тасдиқлаган, Исроилдаги қатор манбалар эса қурбонлар сони 24 нафарлигини ёзган.

Бу айнан қандай рўй берганига ҳам ҳозирча аниқлик киритилмаган.

«Биз ҳозирча ҳодиса тафсилотларини ўрганмоқдамиз ва портлаш сабабларини текширмоқдамиз», — деган Ҳагари.

Исроил мудофаа армиясининг дастлабки версиясига кўра, ҳарбийлар портловчи қурилмалар ўрнатилган икки бинода бўлишган. Аммо қурилма аскарлар олдинроқ ҳаракатга келган ва аскарлар чиқишига улгурмаган.

Бу бинолар ҳамасчилар томонидан гранатомёт орқали ўққа тутилгани ҳақида тахминлар ҳам бор.

Шунингдек, исроилликларнинг худди шу ҳудудда турган танкига зарба берилгани ва қурбонларнинг бир қисми – танк экипажи бўлгани ҳақида версия ҳам бор.

Исроил президенти Исҳоқ Ҳерцог мамлакат «жуда оғир тонг»ни бошдан кечирганини айтган.

Исроил мудофаа вазири Йоав Галант бу ўлимлар Исроилни жанговар мақсадларга тезроқ эришишга ундашини таъкидлаган.

#Исроил #Ғазо сектори

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.