1-синф ўқувчиларига февралда қўшимча бир ҳафталик таътил берилади

Таътил муддати мактабнинг педагогик кенгаш қарори асосида белгиланади. Бу ҳақда Мактаб ва мактабгача таълим вазирлиги эслатди.

Фото: Kun.uz

Вазирлар Маҳкамасининг 2017 йил 15 мартдаги 140-сонли қарори билан тасдиқланган Низомда умумий ўрта таълим мактабларида 1-синф ўқувчиларига қўшимча таътил белгиланиши назарда тутилган. Бу ҳақда Мактаб ва мактабгача таълим вазирлиги матбуот хизмати раҳбари Дилфуза Собирова эслатиб ўтди.

Низомга кўра, 1-синф ўқувчилари учун феврал ойи давомида қўшимча бир ҳафталик таътил берилади. Таътил муддати мактабнинг педагогик кенгаш қарори асосида белгиланади.