Белгородда эвакуация, Украинада блэкаут. Уруш суратлари

Украинадаги урушнинг 759-куни ўтди. Асосий маълумотлар:

Россия ФХХ «Крокус Сити Ҳолл»даги терактни содир этишда гумонланувчилар Украинага қочмоқчи бўлгани, улар бу мамлакатда «тегишли контактлар»га эга бўлгани ҳақида маълум қилди.
Кейинроқ Владимир Путин теракт муносабати билан россияликларга мурожаат қилди ва гумонланувчилар учун Украина чегарасида «туйнук» тайёрлангани ҳақида айтди.
Украина ҳарбий разведкаси расмийси Андрей Юсов гумонланувчилар Украинада яширинмоқчи бўлгани тўғрисидаги хабарларни «бўлмағур гап» деб атади.
Кремл давлат назорати остидаги ва ҳукуматга хайрихоҳ бўлган нашрларга «Крокус»даги теракт ҳақидаги хабарларида «украинлар изи» эҳтимолига урғу қаратишнга топшириқ бергани айтилган.
Украина қуролли кучлари бош қўмондони Россия 100 минг аскардан ортиқ шахсий таркибга эга гуруҳ ташкил этганини маълум қилди.
Британия ҳарбий разведкаси маълумотига кўра, Украина ўтган ҳафталарда Россиядаги нефтни қайта ишлаш заводларига йўллаган дрон зарбалари орқали Россия нефтни қайта ишлаш кучининг 10 фоиз қисмини ишдан чиқарган.
Харкивга 24 мартга ўтар кечаси амалга оширилган дронлар ҳужуми оқибатида тўрт киши яраланган.
Украина қуролли кучлари кун давомида икки бор Белгородни ўққа тутди. Тинч аҳоли вакилларидан бири ҳалок бўлиб, етти нафари яраланган.
Ноқонуний равишда Россияга олиб кетилган болалардан яна тўққиз нафари Украинага қайтарилди.

Белгород области ўққа тутилиши оқибатлари

Украина қўшини 23 март куни Белгородни икки бор ўққа тутди. Эрталабки ҳужум оқибатида бир киши ҳалок бўлган, унинг рафиқаси бош мия ёпиқ жароҳати билан шифохонага ётқизилган. Тинч аҳоли вакилларидан яна тўрт киши жароҳат олган. Шаҳарда 14 та кўп квартирали уйлар, тўртта хусусий уй, автомобиллар ва автобус шикастланган.

Кечқурун Белгород узра ҳаво ҳужумидан мудофаа тизими ишлаган. Губернатор Вячеслав Гладковнинг маълумотига кўра, шаҳар устида ва унинг чеккаларида «ўнта ҳаво нишонлари» уриб туширилган. Бу ўққа тутиш вақтида тинч аҳоли вакилларидан икки киши яраланган.

Бундан ташқари, шу куни област шимолидаги Чернянский районида дронлар ҳужуми оқибатида бир киши ҳалок бўлган.

Гладковнинг қайд этишича, сўнгги икки ҳафта давомида Белгород областида украинларнинг зарбалари оқибатида тинч аҳоли вакиллари бўлган 24 киши ҳалок бўлган, шундан икки нафари болалар.

Белгород кўчаларидан бирида 23 март кунги зарбадан кейинги манзара
Анатолий Жданов / Коммерсант / SIPA USA / Vida Press

Автомобил ойнасида осколкадан ҳосил бўлган тешик
Анатолий Жданов / Коммерсант / SIPA USA / Vida Press

Украина қуролли кучлари ҳужуми вақтида деразалари шикастланган кўп квартирали уйлардан бири
AFP / Scanpix / LETA

Анатолий Жданов / Коммерсант / SIPA USA / Vida Press

Белгород шаҳри ва чегарадаги Грайворон райони аҳолиси Старий Оскол шаҳридаги вақтинча жойлаштириш марказида
Анатолий Жданов / Коммерсант / SIPA USA / Vida Press

Белогород областидан бўлган болалар Тамбовдаги вокзалда, улар отишмалар давом этаётгани туфайли шу ерга кўчириб келинган. Губернатор Гладковнинг 19 март кунги маълумотига кўра, региондан жами 9 минг бола олиб чиқилади.
Алексей Сухоруков / Спутник / imago images / Scanpix / LETA

Харкив областини миналардан тозалаш

Дергачевск районидаги участкани миналардан тозалашга тайёрланаётган сапёрлар
Anadolu Agency / Getty Images

Сапёрлар минадан тозалаш учун ишлаб чиқилган дронни ишга туширмоқда
Anadolu Agency / Getty Images

Минадан тозалаш вақтида дрон бошқараётган сапёр
Anadolu Agency / Getty Images

Украинада қурол ишлаб чиқарилиши

Зирҳли транспорт воситаларини таъмирлаш устахонаси ходимлари «Украина зирҳли техникаси» конструкторлик-ишлаб чиқариш компанияси корхонасида (айнан қаердалиги — аниқ эмас) автомобилни қисмларга ажратмоқда. Корхона «Варта», «Новатор» ва «Камрат» зирҳли автомобиллари, шунингдек миномётлар ва ўқ-дорилар ишлаб чиқаради.
Oksana Parafeniuk / The Washington Post / Getty Images

«Украина зирҳли техникаси» ишчилари 82-миллиметр калибрли миномётларни тайёрламоқда
Oksana Parafeniuk / The Washington Post / Getty ImagesOksana Parafeniuk / The Washington Post / Getty Images

120-миллиметр калибрли миномётнинг тирналган жойларини бўяётган ишчи
Oksana Parafeniuk / The Washington Post / Getty Images

Украинанинг «Квертус» компанияси ходими устахонада. «Квертус» дронлардан ҳимояланиш воситалари ишлаб чиқиш ва ишлаб чиқаришга, шунингдек радиоэлектрон кураш ва разведка воситалари тайёрлашга ихтисослашган.
Oksana Parafeniuk / The Washington Post / Getty Images

«Квертус»да «Кракен» тизимлари ва дронларни ўчириш учун мўлжалланган бошқа ускуналар
Oksana Parafeniuk / The Washington Post / Getty Images

Харкив бўйлаб ёпирилма зарба оқибатлари

РФ қўшини 22 март куни Украина энергетика инфратузилмалари бўйлаб кенг кўламли ҳужум амалга оширди. Ракеталар Харкив, Хмелницкая, Запорижжя ва Днипропетровск областлари бўйлаб ҳам зарба берган. Россия ҳужуми нишонларидан бири Днипропетровск ГЭС бўлган — бу Украинадаги энг йирик гидро электр станциядир. РФ мудофаа вазирлиги Украина бўйлаб ракета ва дрон зарбаларини Белгород ва Курск областлари «чегара ҳудудларига ёриб кириш ва эгаллаш» уринишларига жавобан «қасос зарбалари» деб атаган.