Арманистон чегара делимитацияси натижасида 4 қишлоқни Озарбойжонга қайтарди
1990 йиллардан бери Арманистон назоратида бўлган тўртта қишлоқ Озарбойжон тасарруфига қайтарилади.
![](https://storage.kun.uz/source/10/QU68iv_tEzj3u-CxgkJtDVY28ZRZlEI3.jpg)
Фото: Reuters
Арманистон ва Озарбойжон илк бор чегарани делимитация қилиш бўйича келишувга эришди. Бу ҳақда Арманистон ташқи ишлар вазирлиги ва Озарбойжон бош вазири ўринбосари Шаҳин Мустафоев маълум қилди.
Баёнотларда таъкидланганидек, томонлар тўртта аҳоли пункти (Баганис Айрим, Ашаги Аскипара, Хейримли, Қизил Гажили) ўртасида «чегара чизиғининг алоҳида участкаларини ўтказиш тўғрисида» келишиб олган. Чегара чизиғи «Совет Иттифоқи парчаланиши пайтида мавжуд бўлган чизиққа мослаштирилади».
ТАСС таъкидлаганидек, делимитация аслида Озарбойжон ССР таркибига кирган ва 1990 йиллардан бери Арманистон назоратида бўлган тўртта қишлоқнинг Озарбойжон тасарруфига ўтказилишини англатади.
Томонлар яқин вақт ичида келишилган ҳудудлардан қўшинларни олиб чиқиб кетиш ва у ерда чегара хизматларини жойлаштиришга келишиб олди.
Арманистон ва Озарбойжон ўртасидаги чегара минг километрга яқин. Бу давлатлар 1991 йилда Тоғли Қорабоғдаги можаро туфайли чегараларни ҳеч қачон делимитация ва демаркация қилмаган.
Мавзуга оид
![](https://storage.kun.uz/source/thumbnails/_medium/10/qqJ4HeklqJ0sQ5KnBtaxHKrAHDKLk-Vg_medium.jpg)
22:04 / 03.09.2024
Озарбойжон ва Ўзбекистон паром ишлаб чиқаришни йўлга қўяди
![](https://storage.kun.uz/source/thumbnails/_medium/10/S42Mn4YdVLcU26BBglcbYHDXZghS053K_medium.jpeg)
21:15 / 03.09.2024
ФҚБ арманистонлик талаба Туркия ва Озарбойжон элчихоналарига ҳужум уюштиришни режа қилганини аниқлади
![](https://storage.kun.uz/source/thumbnails/_medium/10/xY7iSLOjThrXSP5ODpSuvhJkRFjG58r8_medium.jpg)
07:42 / 02.09.2024
Озарбойжондаги парламент сайловларида Алиевнинг партияси ғалаба қозонди
![](https://storage.kun.uz/source/thumbnails/_medium/10/D94gFCMTH6IxuvZ0T_NQPNG4Yl2ofFEv_medium.jpg)
23:18 / 31.08.2024