Бухоро шаҳрига янги ҳоким тайинланди
Жамол Носиров соғлиги ёмонлашгани муносабати билан Бухоро шаҳар ҳокими лавозимидан озод этишни сўраб, ариза билан мурожаат қилган. Қурилиш вазирлигида бошқарма бошлиғи бўлган Қурбон Турсунов шаҳар ҳокими этиб тасдиқланди.

Фото: Бухоро вилояти ҳокимлиги
Халқ депутатлари Бухоро шаҳар кенгашининг навбатдан ташқари сессияси бўлиб ўтди.
Сессияда вилоят ҳокими Ботир Зарипов, вилоят секторлари раҳбарлари, вилоят ҳокими ўринбосарлари, вилоятдаги корхона ва ташкилотлар раҳбарлари, халқ депутатлари Бухоро шаҳар Кенгаши депутатлари, шаҳар ҳокими ўринбосарлари ва мутасадди ходимлари, маҳалла фуқаролар йиғинлари раислари ва шаҳар фаоллари иштирок этди.
Сессияда ташкилий масала кўрилди. Вилоят ҳокими Жамол Носировни Бухоро шаҳар ҳокими лавозимидан озод этиш тўғрисидаги қарорни ўқиб эшиттирди.
«Кейинги пайтда Жамол Носировнинг соғлиги ёмонлашганлиги зиммасига юклатилган вазифаларни самарали бажаришда қийинчиликларни келтириб чиқармоқда. Жамол Носиров соғлиги ёмонлашгани муносабати билан Бухоро шаҳар ҳокими лавозимидан озод этишни сўраб, ариза билан мурожаат қилди», - деди Ботир Зарипов.
Айни вақтга қадар Қурилиш ва уй-жой коммунал хўжалиги вазирлиги иссиқлик таъминотини эксплуатация қилиш ва ривожлантириш бошқармаси бошлиғи вазифасида ишлаб келган Қурбон Турсунов Бухоро шаҳар ҳокими лавозимига тасдиқланди.
Кун тартибидаги масала юзасидан шаҳар кенгаши депутатлари ва фаоллари ўз фикр-мулоҳазаларини билдирди.
Тавсия этамиз
Чигирткалар босқини: Бу ҳам иқлим билан боғлиқ муаммоми?
Ўзбекистон | 15:49 / 14.05.2025
«Энг камбағал президент» Хосе Мухика вафот этди
Жаҳон | 08:03 / 14.05.2025
Тошкентда йўл ўртасидаги биринчи тезюрар йўлак қурилиши бошланади
Ўзбекистон | 19:08 / 13.05.2025
1 июндан Ўзбекистон ва Хитой ўртасида 30 кунлик визасиз режим кучга киради
Ўзбекистон | 17:29 / 13.05.2025
Сўнгги янгиликлар
-
Россияда мигрант йигит ёнаётган квартирадан уч болани қутқарди
Жаҳон | 16:50
-
Радарлар йўл чизиғини босганлик учун жарима ёзмайдиган бўлди
Ўзбекистон | 16:46
-
Бир қанча автовокзал ва автостанцияларга янги ном бериш таклиф этилди
Ўзбекистон | 16:21
-
Танзила Норбоева Бухорода жиноятчиликка қарши курашиш масалаларини муҳокама қилди
Ўзбекистон | 16:16
Мавзуга оид

16:16
Танзила Норбоева Бухорода жиноятчиликка қарши курашиш масалаларини муҳокама қилди

14:39
Бухорода йўлдан ўтаётган аёл экскаватор босиб кетиши оқибатида ҳалок бўлди

19:05 / 12.05.2025
Бухоро шаҳрида 3 та машина ёниб кетди

14:03 / 11.05.2025